பொருளாதாரத் தேடலுக்காக எத்தனை பொய்கள்? , எத்தனை நடிப்புக்கள்/ காட்டிக்கொடுத்தல்கள்? எத்தனை தேசத்துரோகங்கள் ?.
இத்தனைக்கும் பின்னர், வெள்ளைக்காரன் இந்தப்பிச்சைக்கு இரங்கி கருணை காட்டினால், போன நாட்டில் அடிமையாய்க்கிடந்து இங்கு தொடவே மாட்டாத பல வேலைகளையும் செய்து, பின்னர் நாட்டுக்கு மினரல் வோட்டர் போத்தலோடும் ஜம்பரோடும் வந்து 10 லட்சம் பெறாத காணியை 30 லட்சப்படி வாங்கி , வருடத்தில் ஒரு வாரம் வந்து நிற்க பத்துக்கோடியில் பதினாறு கமெரா பூட்டிய வீட்டைக்க கட்டி, இங்கு உழைப்பவன் சாகும்வரை வீடுவாசல் வாங்க முடியாதபடி கொழுப்பால் காணி விலையேற்றி, அங்கு சாமத்தியப்பட்ட தமிழ்கூடத்தெரியாத கிழட்டுக் குமரை ஐந்து வருசத்தால் இங்கு கொண்டுவந்து ஹெலிஹொப்டரில் இறக்கி சாமத்தியவீட்டைக் கொண்டாடி….
“காசைப் பற்றி பிரச்சினையில்லை எனக்குத் தரம் முக்கியம்” என்று( பழைய பஞ்சத்தை மறந்து😜) மேசன் முதல், டெய்லர் வரை எல்லோரையும் ஏத்திவிட்டு..அவனை “உள்ளூர் ஆளெண்டாலே ஓடர் எடுக்கிறேல்ல” எண்டு சொல்ல வச்சு,…நமது உள்ளூர் பொருளாதார சமநிலை கெடுத்து, இங்கே வெளிநாட்டுக்காசிலேயே தங்கி வாழும் சோம்பேறிகள் கூட்டம் ஒன்றையும் உருவாக்கி….வேலை வெட்டி இல்லாது சுற்றும் பதின்ம வயது எருமை மாட்டு மருமகனுக்கு ஐபோன் புறோ மக்ஸ் உம் ..
மோட்டார் சைக்கிளும் கிழமைக்கு ..ஒருக்கா ..பார்ட்டி போடக்காசும் அனுப்பி…..( பாவம் படிக்கிற பெடியன்..)..விடும் நீண்டகால-எதிர்கால சிந்தனையற்ற, படிப்பறிவோ அல்லது பகுத்தறிவோ அற்ற திடீர்ப் பணக்கரார்களால் ஒரு தேசத்தின் பொருளாதாரக் கட்டமைப்பே சீரழிவது இப்படித்தான். இப்படி எந்த தொழில் – கல்வித்தகமையுமின்றி எல்லாவகையான அற மீறல்களின் மூலமாக வெளிநாடு சென்று புதிதாகக் காசு பார்த்த சிலரால்தான் யாழ்ப்பாணம் பல வகையிலும் இன்று நாறிக்கிடக்கிறது. (பொறுப்புள்ள வெளிநாட்டுக்காறர்களை இங்கு குறிப்பிடவில்லை. )
Credits : Satkunanathan Manimaran (FB)
வெளிநாடு சென்று – பழையதை மறக்காமல், நாடு திரும்பும்போது நற்கருமங்களை பொறுப்புடன் ஆற்றி , பலரின் முறையான வளர்ச்சிக்கு காரணமாக இருக்கும் நல்ல மனம் படைத்த புலம்பெயயர்நதவர்களை இக்கட்டுரை குறிப்பிடவில்லை.
இவை எல்லாம் தனிப்பட்ட உறவுகள் தெரிந்தவர்கள் என்ற ரீதியில் ஈழத்தமிழர்கள் மீதான புலம்பெயர் தமிழர்களின் தாக்கம், ஆனால் பொதுவாக சமூகம் என்ற கோணத்தில் பார்த்தால் இதன் மற்றுமொரு பரிமாணத்தைக் காணலாம்.
புலம்பெயர் தமிழர்கள் தங்களது வெளிநாட்டு இருப்பை உறுதிப்படுத்திக் கொள்ள பல்வேறு உத்திகளை பயன்படுத்தி வருகின்றனர். அவர்கள், இலங்கையில் வாழும் தமிழர்களின் நிலையை ஒரு முக்கிய கருவியாக பயன்படுத்தி, தங்களது இருப்பு சட்டபூர்வமாகவும், அரசியல் ஆதரவு பெற்றதாகவும் இருக்க முயல்கின்றனர்.
சமீப ஆண்டுகளில், புலம்பெயர் தமிழர்கள் பெருமளவிலான நிதியை முதலீடு செய்து தனிப்பட்ட ஊடகங்களை உருவாக்கியுள்ளனர். இந்த ஊடகங்கள், இறுதிப்போர் காலங்களில் காணாமல் போனவர்களைப் பற்றிய விவாதங்களை எழுப்பி, இலங்கையில் தமிழர்கள் இன்னும் பாதுகாப்பற்ற சூழலில் வாழ்கிறார்கள் என்ற தகவலை பரப்புகின்றன. இதன் மூலம், தாங்கள் இலங்கைக்கு செல்ல முடியாத சூழல் என்றும், தங்களுக்கு அகதிநிலை பாதுகாப்பு மற்றும் சர்வதேச ஆதரவு தேவை என்றும் வெளிநாட்டு அரசுகளுக்கு வலியுறுத்துகிறார்கள்.
சமூக வலைத்தளங்கள் மற்றும் போராட்டத்திட்டங்கள்
வாட்ஸ்அப், யூடியூப், ட்விட்டர் போன்ற சமூக ஊடகங்கள், புலம்பெயர் தமிழர்கள் தங்களது இருப்பை உறுதிப்படுத்திக் கொள்ளும் கருவிகளாக மாறியுள்ளன. இங்கு, இலங்கையில் நடக்கும் மனித உரிமை மீறல்கள் குறித்து தொடர்ச்சியாக விவாதிக்கப்படும். இதில், ஈழத்து தமிழ் மக்களின் நிலை மிகவும் மோசமானது, அவர்களுக்கு எந்தவித பாதுகாப்பும் இல்லை என்ற பிம்பம் உருவாக்கப்படும். இதன் மூலம், புலம்பெயர் தமிழர்கள் தங்களது அரசியல் அங்கீகாரத்தையும், குடியுரிமை தொடர்பான உரிமைகளையும் வலுப்படுத்த முயல்கிறார்கள்.
புலம்பெயர் தமிழ் அமைப்புகள், தமிழீழம் தொடர்பான பழைய விவாதங்களை மீண்டும் கிளப்புவதன் மூலம் தங்களது அரசியல் முக்கியத்துவத்தை நிலைநாட்டுகிறார்கள். இது, அவர்களுக்கு சர்வதேச அளவில் ஆதரவை திரட்டவும், வெளிநாடுகளில் தாங்கள் நீடித்திருக்க வேண்டியதன் அவசியத்தை நிரூபிக்கவும் உதவுகிறது. அவர்கள் இலங்கைக்கு திரும்ப முடியாத சூழலை உருவாக்குவதன் மூலம், தங்களுக்கு அரசியல் புகலிடம் மற்றும் சிறப்பு சலுகைகள் கிடைக்க வேண்டும் என்ற வலியுறுத்தலை நிகழ்த்துகின்றனர்.
இலங்கையில் வாழும் பெண்தலைமைத்துவ குடும்பங்களுக்கு புலம்பெயர் தமிழர்கள் உதவிகள் வழங்கும் பெயரில் பணம் அனுப்பி, அதனை சமூக ஊடகங்களில் பெரிதாக பரப்புகின்றனர். இதன் மூலம், தாங்கள் தமிழர் சமூகத்திற்காக செயற்படுகின்றனர் என்ற தோற்றத்தை ஏற்படுத்தி, தங்கள் வெளிநாட்டு இருப்பை தொடர்ந்து நிலைநாட்ட முனைகின்றனர்.
புலம்பெயர் தமிழர்கள் தங்களது இருப்பை உறுதிப்படுத்த இலங்கையில் தமிழர்கள் தொடர்ந்து அடக்குமுறைக்கு உள்ளாகி வருகின்றனர் என்பதைக் காட்டி, தாங்கள் நாடு திரும்ப இயலாது என்பதையும், தங்களது பாதுகாப்பு வெளிநாடுகளால் உறுதி செய்யப்பட வேண்டும் என்பதையும் வலியுறுத்துகின்றனர். இதன் மூலம், அகதிநிலை பாதுகாப்பு, குடியுரிமை, அரசு நலத்திட்டங்கள் போன்ற பல்வேறு பயன்களைப் பெற முயல்கின்றனர்.
புலம்பெயர் தமிழர்கள், தங்கள் வெளிநாட்டு இருப்பை உறுதிப்படுத்திக் கொள்ள பல்வேறு உத்திகளைப் பயன்படுத்தி வருகின்றனர். ஈழத்தில் வாழும் தமிழ் மக்களின் துயரங்களை அவர்கள் தங்களது அரசியல் மற்றும் சட்டபூர்வ அங்கீகாரத்திற்காக பயன்படுத்தி, சர்வதேச ஆதரவினைப் பெற முயல்கின்றனர். ஆனால், இதனால் ஈழத்து தமிழர்கள் நிலைமையை உண்மையில் மேம்படுத்த முடியுமா என்பது ஒரு கேள்விக்குறியாகவே உள்ளது.
இப்படியான ஒரு சில புலம்பெயர் தமிழர்களின் நடத்தையால் உண்மையில் பாடுபட்டு ஈழத்தமிழருக்கு உதவ நினைக்கும், அவர்களின் வாழ்க்கையை மாற்ற நினைக்கும் புலத்தமிழர் அமைப்புகளும் தனிப்பட்ட நபர்களும் கூட தவறான கண்ணோட்டத்திலேயே பார்க்கப்படும் நிலை உருவாகி விட்டது.
