கனடாவின் மார்க்கம் நகரில் நடந்த இரட்டை துப்பாக்கிச் சூட்டில் 20 வயது யுவதி உயிரிழந்துள்ளார். இதே சம்பவத்தில் காயமடைந்த ஒருவர் மருத்துவமனையில் தீவிர சிகிச்சையில் உள்ளார். இந்த வீடு ஏற்கனவே பலமுறை குறிவைக்கப்பட்டதாக போலீசார் தகவல் வெளியிட்டுள்ளனர்.
யார் இந்த உயிரிழந்த பெண்?
யாழ்ப்பாணம்- கோண்டாவில் மேற்கு கல்வீட்டு துரையப்பாவின் பேர்த்தியான செல்வி ரகுதாஸ் நிலக்சி (Raguthas Nilakshi) என்பவர் துப்பாக்கிச் சூட்டில் உயிரிழந்துள்ளார். மார்க்கம் பகுதியைச் சேர்ந்த 20 வயது இளம்பெண் வீட்டில் இருந்தபோது மர்ம நபர்கள் துப்பாக்கிச் சூடு நடத்தியுள்ளனர். இதே சம்பவத்தில் 1 ஆணும் காயமடைந்து மருத்துவமனையில் அனுமதிக்கப்பட்டுள்ளார். சம்பவ இடத்தில் சுட்டுக் கொல்லப்பட்ட ஜெர்மன் ஷெப்பர்ட் நாயும் கண்டுபிடிக்கப்பட்டுள்ளது.
தாக்குதல் நடந்த விதம் & போலீஸ் தகவல் மார்ச் 07, 2025 – வெள்ளிக்கிழமை இரவு கனடாவின் மார்க்கம் நகரின் சோலஸ் ரோட் பகுதியில் இந்த தாக்குதல் நடந்தது. கேஸ்டில்மோர் அவென்யூ & ஸ்வான் பார்க் ரோட் அருகே உள்ள வீட்டில் மர்ம நபர்கள் பல முறை துப்பாக்கிச் சூடு நடத்தியுள்ளனர். போலீசார் கண்காணிப்பு காட்சிகளை வெளியிட்டனர், ஆனால் இதுவரை எந்தக் கைது நடவடிக்கையும் இல்லை. புலனாய்வாளர்கள் இதை “திட்டமிட்ட தாக்குதல்” என்று கருதுகின்றனர்.
“இந்த வீடு குறிவைக்கப்பட்டுள்ளது. குற்றவாளிகள் திட்டமிட்டு வந்துள்ளனர். இது இலக்கு தாக்குதல்” – பொலிஸ் அதிகாரி கேவின் நெப்ரிஜா.
ஏற்கனவே நடந்த தாக்குதல்கள் – தொடரும் குற்றச்சம்பவங்கள்! இந்த வீடு கடந்த 1 ஆண்டாக பல முறை தாக்குதலுக்கு உள்ளாகியுள்ளது. 
பிப்ரவரி 2024 – ஒரு முறை துப்பாக்கிச் சூடு நடந்தது. மார்ச் 2024 – தொடர்ந்து இரண்டு முறை இந்த வீடின் மீது துப்பாக்கிச் சூடு நடத்தப்பட்டது. மார்ச் 2025 – தற்போது மீண்டும் தாக்குதல் நடந்துள்ளது.
இதுவரை தாக்குதலுக்கான காரணம் தெளிவாகவில்லை, ஆனால் இது குறிவைத்து நடத்தப்பட்ட தாக்குதல் என போலீசார் விசாரித்து வருகின்றனர்.
சந்தேக நபர்கள் – போலீஸ் தகவல் வெளியீடு! “இரண்டு சந்தேக நபர்கள் தாக்குதலுக்குப் பிறகு புதிய மாடல், கருப்பு நிற Acura TLX காரில் தப்பிச் சென்றுள்ளனர்,” என்று அதிகாரிகள் தெரிவித்துள்ளனர். சந்தேக நபர்களை அடையாளம் காண போலீசார் கண்காணிப்பு காட்சிகள் & சாட்சிகளை திரட்டுகின்றனர். பொதுமக்கள் எவருக்கேனும் தகவல் இருந்தால், York Regional Police அல்லது Crime Stoppers க்கு தொடர்பு கொள்ளலாம்.
போலீசாரின் வேண்டுகோள்: சம்பவம் தொடர்பான எந்த தகவலானாலும் உள்ளவர்கள் உடனடியாக பொலிஸாரை தொடர்பு கொள்ளுமாறு கேட்டுக்கொள்ளப்படுகிறது.
போலீஸ் விசாரணை & அடுத்த நடவடிக்கைகள்
சம்பவ இடம் முழுவதும் போலீசார் தடயங்களை சேகரிக்கின்றனர். துப்பாக்கிச் சூடில் இறந்த & காயமடைந்தவர்களுக்கு என்ன காரணம் என்பதை கண்டறிய போலீசார் தீவிர விசாரணையில் ஈடுபட்டுள்ளனர். பொதுமக்கள் பாதுகாப்பிற்காக அந்த பகுதியில் போலீஸ் கண்காணிப்பை அதிகரித்துள்ளனர். இந்த சம்பவம் திருட்டு அல்லது கும்பல் தொடர்புடையதா என்பதை அதிகாரிகள் ஆராய்கின்றனர்.
“பொதுமக்கள் எந்தவொரு தகவலாக இருந்தாலும் York Regional Police-யை உடனடியாக தொடர்பு கொள்ளலாம்.”
மேலும் தகவலுக்கு: www.yrp.ca
