பிரித்தானியாவில் கத்தியால் தாக்கி சொந்த தந்தையை கொலை செய்த இளைஞர் காவல் துறையினரால் கைது செய்யப்பட்டபோது கைவிலங்கோடு எடுக்கப்பட்ட புகைப்படம் ஒன்று வெளியாகியுள்ளது.
இந்த சம்பவம் குறித்து மேலும் தெரியவருவதாவது; குறித்த தாக்குதல் சம்பவத்தில் 11 வயது சிறுவனும் பெண் ஒருவரும் காயங்களுடன் தப்பியதாக பொலிஸ் தரப்பில் தெரிவிக்கப்பட்டுள்ளது. பிரைட்டனில் உள்ள குடியிருப்பு ஒன்றில் 57 வயதான எமாத் சமீர் போட்ரோஸை அவரது மகனாகிய ஃபேபியோ போட்ரோஸ் கொலை செய்ததாகக் கூறப்படுகிறது
இதனைத் தொடர்ந்து கொலையுடன் தொடர்புடையதாக சந்தேகிக்கப்படும் 19 வயது இளைஞர் விசாரணைக்காக லூயிஸ் கிரவுன் நீதிமன்றத்தில் ஒப்படைக்கப்பட்டார். மேலும் சம்பவ இடத்தில் பெண் ஒருவரும் 11 வயது சிறுவனும் மீட்கப்பட்ட நிலையில் போட்ரோஸ் மீது கொலை மற்றும் இரண்டு கொலை முயற்சி வழக்குகள் பதியப்பட்டுள்ளது.
பொலிசாருக்கு தகவல்
மூன்று படுக்கையறைகள் கொண்ட அந்த குடியிருப்பிலிருந்து உரத்த அலறல் மற்றும் கூச்சல் சத்தம் கேட்டதாக அக்கம் பக்கத்தினர் தெரிவித்துள்ளனர். சம்பவத்தின் போது 11 வயது சிறுவன் அப்பகுதி மக்களை பொலிசாருக்கு தகவல் தெரிவிக்க கெஞ்சியதாக கூறப்படுகிறது.
இந்த நிலையில் எமாத் தலையில் பலட்த காயங்களுடன் மீட்கப்பட, சிறிது நேரத்திலேயே அவர் இறந்துவிட்டதாக தகவல்கள் தெரிவிக்கின்றன. அந்த குடியிருப்பில் இருந்து 57 வயது பெண்மணி ஒருவரும் 11 வயது சிறுவனும் காயங்களுடன் மீட்கப்பட்டனர்.
