15 முதல் 24 வயதுடைய பிரெஞ்சு இளைஞர்கள் கிட்டதட்ட ஒரு நாளின் கால் வாசி நேரத்தை சமூக ஊடகங்களில் செலவிடுகிறார்கள்
வியாழக்கிழமை 3 ஆம் திகதி வெளியிடப்பட்ட ஆடியோவிஷுவல் ரெகுலேட்டரின் (régulateur de l’audiovisuel) ஆய்வின்படி, 15 முதல் 24 வயதுடைய இளைஞர்கள் சமூக ஊடகங்களில் வீடியோ உள்ளடக்கத்தை பார்ப்பதில் அதிக நேரத்தை செலவிடுவதாக தெரியவந்துள்ளது.
15-24 வயதுடையவர்கள் வீடியோ உள்ளடக்கத்தைப் பார்ப்பதற்கு செலவிடும் 5 மணிநேரம் 21 நிமிடங்களில், 2 மணிநேரம் சமூக ஊடகங்களுக்கும், 1 மணிநேரம் இலவச நேரடி தொலைக்காட்சிக்கும், 1 மணிநேரம் Netflix அல்லது Prime வீடியோ போன்ற சந்தா அடிப்படையிலான வீடியோக்களுக்கும் செலவிடுவதாக இந்த ஆய்வு முடிவுகள் தெரிவிக்கின்றன.
இதே ஆய்வு 65 வயது மற்றும் அதற்கு மேற்பட்டவர்களிடையே மேற்கொள்ளப்பட்ட போது அவர்கள் கிட்டத்தட்ட 5 மணிநேரம் வீடியோக்களைப் பார்ப்பதில் செலவிடுவதாகக் கூறுகிறார்கள், அதில் பெரும்பாலானவை (3.5 மணிநேரம்) தொலைக்காட்சியைப் பார்ப்பதில் செலவிடப்படுகின்றன. இது இளைஞர்களுடன் ஒப்பிடுகையில் கைபேசியின் பாவனை குறைவாக உள்ளது.
15 முதல் 24 வயதுடைய இளைஞர்கள் ஸ்மார்ட்போன்களை விரும்புகிறார்கள். அவர்களில் 77% பேர் இதைப் பயன்படுத்துவதாகக் கூறுகிறார்கள், தொலைக்காட்சிக்கு 74%, மடிக்கணினிக்கு 66%, கேம் கன்சோலுக்கு 52% மற்றும் ரப்லெட்(Tablet)டுக்கு 39% பேர் இதைப் பயன்படுத்துகிறார்கள்.
