Clermont-Ferrand நகரின் Croix-de-Neyrat பகுதியில் வன்முறை சம்பவம் ஒன்று இடம்பெற்றுள்ளது. இது HLM (சமூக வீடுகள்) அதிகமாக உள்ள working-class பகுதி.இங்கே முக்கியமாக வட ஆப்பிரிக்க (Maghreb), ஆப்ரிக்க மற்றும் சில கிழக்கு ஐரோப்பிய புலம்பெயர் குடும்பங்கள் அதிகம் வசிக்கிறார்கள்.
சம்பவம் குறித்து மேலும் தெரியவருவதாவது குறித்த பிராந்தியத்தில் ஞாயிற்றுக்கிழமை இரவு நடைபெற்ற ஒரு பயங்கரமான கத்திக்குத்துத் தாக்குதலில் ஒரு இளைஞன் உயிருக்கு ஆபத்தான நிலையில் உள்ளார்.
இந்தச் சம்பவம் நகரின் வடக்குப் பகுதியில் உள்ள Croix-de-Neyrat என்ற இடத்தில் இரவு 23:00 மணியளவில் நிகழ்ந்தது. இந்தப் பகுதி அண்மைக் காலமாக வன்முறைச் சம்பவங்களால் பாதிக்கப்பட்டு வருவதாக காவற்துறை ஆதாரங்கள் தெரிவிக்கின்றன.
காவற்துறை வெளியிட்ட தகவலின்படி, 2005 மற்றும் 2009 ஆம் ஆண்டுகளில் பிறந்த இரண்டு ஆண்கள் ஒரு குடியிருப்பில் முகமூடி அணிந்த இரு நபர்களால் கத்திக்குத்துத் தாக்குதலுக்கு உள்ளாகினர்.
இதில், முதியவரான ஒருவர் வலது பக்கவாட்டிலும் இடது கையிலும் கடுமையான காயங்களுடன் உயிருக்கு ஆபத்தான நிலையில் மருத்துவமனையில் சிகிச்சை பெற்று வருகிறார்.
மற்றொரு சிறுவர் இடது கையிலும் நெற்றியிலும் லேசான காயங்களைப் பெற்றுள்ளார். இந்தத் தாக்குதலில் ஈடுபட்டவர்கள் இன்னும் கைது செய்யப்படவில்லை.
அதே ஞாயிற்றுக்கிழமை முதல் திங்கட்கிழமை அதிகாலை 00:25 மணியளவில், Clermont-Ferrand நகரின் மற்றொரு பகுதியில் துப்பாக்கிச் சத்தம் கேட்டதாக காவற்துறைக்கு தகவல் கிடைத்தது.
சம்பவ இடத்தை ஆய்வு செய்தபோது, 7.65 மற்றும் 32 கலிபர் கொண்ட மூன்று தோட்டாக்கள் கண்டெடுக்கப்பட்டன.
இரண்டு சாட்சிகள், முகமூடி அணிந்த இரு தாக்குதலாளர்கள் ஒரு வாகனத்தில் வந்து தாக்குதல் நடத்தியதாக தெரிவித்தனர். இந்தச் சம்பவத்தில் யாரும் காயமடையவில்லை என்றாலும், இது நகரில் பதற்றத்தை ஏற்படுத்தியுள்ளது.
கடந்த வாரம், Croix-de-Neyrat பகுதியில் ஒரு எரிந்த காரில் சாம்பலான உடல் கண்டெடுக்கப்பட்டது. அதே இரவில், ஒருவர் துப்பாக்கிச் சூட்டில் காயமடைந்தார், மேலும் ஒரு வீடு தீவைத்துத் தாக்கப்பட்டது.
இந்தச் சம்பவங்கள் அனைத்தும் Clermont-Ferrand நகரில் 2024 முதல் தொடர்ந்து நடைபெறும் போதைப்பொருள் வர்த்தகத்துடன் தொடர்புடைய பழிவாங்கும் நடவடிக்கைகளாக காவற்துறை ஆதாரங்கள் கருதுகின்றன.
Clermont-Ferrand நகரில் உள்ள Croix-de-Neyrat பகுதி, போதைப்பொருள் வர்த்தகம் மற்றும் கும்பல் வன்முறைகளால் அடிக்கடி பாதிக்கப்படும் ஒரு முக்கிய பகுதியாக அறியப்படுகிறது.
இந்தப் பகுதியில் நடைபெறும் கத்திக்குத்து, துப்பாக்கிச் சூடு, மற்றும் தீவைப்பு போன்ற சம்பவங்கள் உள்ளூர் மக்களிடையே பயத்தை ஏற்படுத்தியுள்ளன. காவற்துறை இந்த வன்முறைகளைக் கட்டுப்படுத்துவதற்கு தீவிரமான நடவடிக்கைகளை மேற்கொண்டு வருகிறது.
