பிரான்சில் இனி முறையான ஆவணங்கள் இன்றி… அதிதீவிர குடியேற்ற சட்டம்!

3,750 € Amende மற்றும் 3 வருட Interdiction du territoire (ITF) தயார்! – பிரான்சில் முறையான ஆவணங்கள் இன்றி (Sans-papiers) வசிப்பவர்களை, குறிப்பாக விசா காலம் முடிந்த பின்னரும் நாட்டிற்குள் தங்கியிருப்பவர்களை மீண்டும் “குற்றவாளி” என அறிவிக்கக் கோரும் ஒரு அதிதீவிர சட்ட முன்மொழிவு, பிரெஞ்சு நாடாளுமன்றத்தில் தாக்கல் செய்யப்பட்டுள்ளது.

“தேசிய அணி” (Rassemblement National – RN) கட்சியைச் சேர்ந்த நாடாளுமன்ற உறுப்பினர் சில்வி ஜோஸ்ரான்ட் (Sylvie Josserand) தாக்கல் செய்துள்ள இந்த மசோதா, அங்குள்ள வெளிநாட்டவர் மற்றும் Droit des étrangers (வெளிநாட்டவர் சட்டம்) ஆர்வலர்கள் மத்தியில் பெரும் புயலையும், ஆழமான சட்ட விவாதங்களையும் கிளப்பியுள்ளது. இந்த Projet de loi immigration, பிரான்சின் குடியேற்ற வரலாற்றின் சர்ச்சைக்குரிய ஒரு பக்கத்தை மீண்டும் திறக்க முயல்கிறது.

மசோதாவின் அச்சுறுத்தலான பிரிவுகள் மற்றும் சட்டச் சிக்கல்கள்

புதிய முன்மொழிவு, விசா காலம் முடிந்தும் தங்கியிருப்பவர்களை மீண்டும் “Séjour irrégulier” என்ற குற்றவியல் பிரிவின் கீழ் கொண்டு வர முயற்சிக்கிறது. இதன் மூலம் விதிக்கப்படும் தண்டனைகள், Régularisation கோரி காத்திருக்கும் ஆயிரக்கணக்கானோருக்கு பெரும் அச்சுறுத்தலை அளிக்கின்றன:

1. கடும் Amende: விசா காலம் முடிந்து பிரான்சில் தங்கியிருக்கும் 18 வயதுக்கு மேற்பட்ட வெளிநாட்டவருக்கு, 3,750 யூரோ Amende விதிக்கப்படும். இது ஒரு கடுமையான நிர்வாகத் தண்டனையாக முன்வைக்கப்பட்டுள்ளது.
2. நாட்டிற்குள் நுழையத் தடை (ITF): அபராதம் செலுத்துவதோடு தப்பிக்க முடியாது. கூடுதலாக, அந்த நபர், அபராதம் விதிக்கப்பட்ட நாளில் இருந்து 3 ஆண்டுகளுக்குப் பிரெஞ்சு மண்ணில் கால் பதிக்க முடியாதபடி Interdiction du territoire (ITF) விதிக்கப்படும்.

முந்தைய தோல்வி: CJUE மற்றும் Conseil constitutionnel இன் தடை

உண்மையில், 2012-ஆம் ஆண்டுக்கு முன்பு வரை, பிரான்சில் Séjour irrégulier என்பது “குற்றமாகவே” கருதப்பட்டு வந்தது. ஆனால், இந்தச் சட்டமே சர்வதேச சட்டங்களால் இரத்து செய்யப்பட்டது.

• CJUE இன் தலையீடு: ஐரோப்பிய ஒன்றியத்தின் உயர் நீதிமன்றம் (CJUE), 2012-ஆம் ஆண்டு வழங்கிய சரித்திர முக்கியத்துவம் வாய்ந்த தீர்ப்புக்குப் பிறகு, இந்தச் சட்டம் பிரான்சில் இரத்து செய்யப்பட்டது. ஆவணங்கள் இல்லை என்ற காரணத்திற்காக மட்டும், ஒருவரை சிறையில் அடைப்பது அடிப்படை மனித உரிமை மீறல் என ஐரோப்பிய நீதிமன்றம் அதிரடியாக அறிவித்தது.
• அரசியலமைப்பு கவுன்சிலின் தடை: சமீபத்தில் நிறைவேற்றப்பட்ட பிரான்சின் Loi immigration சட்டத்திலும், இதே போன்ற அபராத முறை செனட் சபையால் திணிக்கப்பட்டது. ஆனால், பிரான்சின் Conseil constitutionnel (அரசியலமைப்பு கவுன்சில்) என்ற சக்திவாய்ந்த அமைப்பு, அந்தச் சட்டப்பிரிவு “சட்டப்படி செல்லாது” என்று கூறி அதிரடியாகத் தள்ளுபடி செய்தது. அரசியலமைப்பு கவுன்சிலின் கூற்றுப்படி, இது “சட்டத்தின் தெளிவு மற்றும் அவசியம்” என்ற கொள்கைகளை மீறுவதாகவும், தண்டனைக்குரிய குற்றத்தை உருவாக்கத் தேவையான அடிப்படை வரையறைகளை வழங்கவில்லை எனவும் குறிப்பிடப்பட்டது.

RN கட்சியின் புதிய தந்திரம்: நீதிமன்றத் தடையைத் தவிர்க்கும் சூழ்ச்சி

பழைய தோல்விகளிலிருந்து பாடம் கற்றுக் கொண்ட ‘தேசிய அணி’ (RN) கட்சி, இப்போது சட்டரீதியான ஒரு புதிய தந்திரத்துடன் களம் இறங்கியுள்ளது.

• சிறைத் தண்டனையைத் தவிர்த்தல்: முந்தைய சட்டங்கள் சிறைத் தண்டனையை (Emprisonnement) விதித்ததால் இரத்து செய்யப்பட்டன. எனவே, RN கட்சி, ஐரோப்பிய நீதிமன்றத்தின் பிடியிலிருந்தும், அரசியலமைப்பு கவுன்சிலின் தடையிலிருந்தும் தப்பிக்க, இந்த மசோதாவில் ‘சிறைத் தண்டனை’ என்ற வார்த்தையைத் தவிர்த்துள்ளனர்.
• நிர்வாகத் தண்டனையை வலியுறுத்துதல்: அதற்குப் பதிலாக, மசோதாவில் ‘கடும் Amende‘ மற்றும் ‘Interdiction du territoire (ITF)‘ என்ற கடுமையான நிர்வாக நடவடிக்கைகளை மட்டும் முன்மொழிந்துள்ளனர். இதன் மூலம், இதை ஒரு குற்றமாகப் பார்க்காமல், சட்ட விதிமீறலுக்கான கடுமையான நிர்வாகத் தண்டனையாகக் காட்ட முயல்கின்றனர்.

இந்த மசோதா நாடாளுமன்றத்தில் அக்டோபர் 30 ஆம் திகதி விவாதத்திற்கு வருகிறது. Droit des étrangers மற்றும் Régularisation கோரி காத்திருக்கும் சமுதாயத்தின் எதிர்காலத்தைத் தீர்மானிக்கவுள்ள இந்த விவாதம், இப்போதே சூடுபிடிக்கத் தொடங்கிவிட்டது.