செய்தி: கனடா தேர்தல் முடிவுகள் மற்றும் டிரம்பின் அறிவிப்பு
ஒட்டாவா, ஏப்ரல் 29, 2025: கனடாவில் நடைபெற்ற மத்திய தேர்தலில் மார்க் கார்னியின் தலைமையிலானலிபரல் கட்சி அற்புதமான வெற்றியைப் பெற்றுள்ளது. இந்த தேர்தல், அமெரிக்க ஜனாதிபதி டொனால்ட்டிரம்பின் வர்த்தகப் போர் மற்றும் கனடாவை அமெரிக்காவின் 51வது மாநிலமாக்க வேண்டும் என்ற அவரதுஅச்சுறுத்தல்களால் பெரிதும் ஆதிக்கம் செலுத்தப்பட்டமை குறிப்பிடதக்கது..
தேர்தல் முடிவுகள் –
(CBC) தகவலின்படி, லிபரல் கட்சி 165 இடங்களில் வெற்றி பெற்று முன்னிலை வகிக்கிறது, ஆனால் முழுபெரும்பான்மைக்கு தேவையான 172 இடங்களைப் பெறவில்லை. இதனால், கார்னி தலைமையிலான அரசுசிறுபான்மை அரசாக ஆட்சி செய்ய வேண்டியிருக்கும். கன்சர்வேடிவ் கட்சியின் தலைவர் பியர் பொய்லியவ்ரே தனது கார்ல்டன் தொகுதியில் தோல்வியடைந்தது பெரும் அதிர்ச்சியை ஏற்படுத்தியுள்ளது. மேலும், நியூடெமாக்ரடிக் கட்சியின் (NDP) தலைவர் ஜக்மீத் சிங் தனது தொகுதியை இழந்து, தலைவர் பதவியில் இருந்துவிலகுவதாக அறிவித்தார்.
டிரம்பின் தலையீடு மற்றும் கார்னியின் பதில்
தேர்தல் நாளன்று, டிரம்ப் சமூக ஊடகத்தில், கனடா அமெரிக்காவின் 51வது மாநிலமாக மாறினால் வரி விலக்கு, இராணுவ பலம் மற்றும் பொருளாதார வளர்ச்சி பெறும் என பதிவிட்டார். இதற்கு கன்சர்வேடிவ் தலைவர்பொய்லியவ்ரே, “டிரம்ப், எங்கள் தேர்தலில் தலையிடாதீர்” என கடுமையாக பதிலளித்தார்.
வெற்றி உரையில், பிரதமர் மார்க் கார்னி, “டிரம்ப் நம்மை உடைக்க முயன்றார், ஆனால் கனடா ஒருபோதும்அமெரிக்காவுக்கு சொந்தமாகாது. கனடா விற்பனைக்கு இல்லை!” என்று உறுதியாகக் கூறினார். மேலும், அவர்ஐரோப்பிய நாடுகளுடன் உறவுகளை வலுப்படுத்துவதாகவும், அமெரிக்காவுடனான பழைய உறவுமுடிந்துவிட்டதாகவும் தெரிவித்தார்.
தேர்தலில் டிரம்பின் தாக்கம் –
ஜனவரியில் ஜஸ்டின் ட்ரூடோவின் பதவி விலகலுக்குப் பிறகு, லிபரல் கட்சி 20 சதவீத புள்ளிகள்பின்தங்கியிருந்தது. ஆனால், டிரம்பின் வர்த்தக கட்டணங்கள் மற்றும் அச்சுறுத்தல்கள் கனடியர்களிடையேதேசபக்தி உணர்வைத் தூண்டியது, இது கார்னியின் வெற்றிக்கு முக்கிய காரணமாக அமைந்தது. “இந்தவெற்றி, கனடாவை வலுவாக்குவதற்கான வாய்ப்பு,” என்று கார்னி தனது வெற்றி விழாவில் தெரிவித்தார்.
- நீளிரா – விடியும் ஈழ தமிழர் சினிமா!
- கனடாவின் இரட்டை நிலைப்பாடு: MV சன் சீ கப்பல்!
- இந்த ஈழ தமிழ் அகதி, கனடாவில் இருந்து நாடு கடத்தப்படுவாரா?
- கனடாவிலிருந்து நாடு கடத்தப்படும் MV Sun sea ஈழ தமிழர்!
- ஐயரை கூப்பிட்டனியளோ..!
- பிரான்ஸ் : புதிய CAF €1,000 உதவித்தொகை : உண்மை என்ன?
- பிரான்சில் செப்டம்பர் 1 முதல் ஓய்வூதிய சீர்திருத்தம்! வயது மாற்றம்!
- பிரான்ஸ்: உணவக ஊழியர்களுக்கு புதிய கட்டுப்பாடு!